Unggah-ungguh

Basa kuwi minangka sarana kanggo alat komunikasi, kanggo nglantarake marang sawijining maksud utawa kekarepan marang wong sing diajak guneman. Basa uga dadi sarana kanggo nglairake panguneg-uneg kanthi cara nulis utawa maca. Mula anggone nggunakake basa kudu trep ora kena tumpang suh, kudu mangerteni marang sapa sing diajak guneman, ngerti empan papan lan kudu duwe rasa pangrasa marang sing diajak guneman. Mula basa iku nduweni unggah-ungguh. Dene unggah-ungguhing basa iku sabenere akeh banget nanging sing lumrah digunakake iku ana 4 yaiku:

1.      Ngoko lugu

2.      Ngoko andhap/ngoko alus

3.      Krama lugu

4.      Krama alus/krama inggil.

Ø  Basa ngoko lugu

Wujude                : tembunge ngoko kabeh ora ana kramane.

Panganggone        :

a.       Menyang sapadha-padha kang wis kulina banget.

b.      Kanggo guneman karo wong kang pernah enom.

c.       Yen lagi ngunandika.

d.      Tumrap bocah sing durung bisa guneman genep.

Tulada :

-Surya lunga les boncengan karo kancane.

-Aku nonton bal-balan nganti wengi banget,mulane mripatku krasa mbiyut.

Ø  Basa ngoko alos

Wujude               : tembunge ngoko kacampuran tembung krama ingil.

Panggone            :

a.       Sedulur tuwa marang sedulur enom kang luwih dhuwur drajade.

b.      Garwane priyayi marang sing kakung.

c.       Priyayi marang priyayi kang wis kulina.

Tuladha :

-          Panjenengan mau saka tindak endi, kok tak goleki ora ana?

-          Tak aturi priksa Bu, menawa panjenengan ditimbali bapak kepala sekolah.

Ø  Basa krama lugu

Wujude                : tembunge madya (ater-ater lan panambange krama).

Panganggone        :

a.       Kanggo marang kanca sing wis kulina, padha drajade lan ngajeni.

b.      Garwane priyayi marang sing kakung.

c.       Priyayi marang sedulure tuwa kang luwih cendhek drajade.

Tuladha    :

-          Kula boten kesah sekolah amargi sakit.

-          Sampeyan nembe saking pundi?

Ø  Basa krama alus

Wujude                : tembunge kabeh krama (ater-ater lan panambange krama).

                               Krama inggil (tumrap wong sing diajak guneman)

Panganggone        :

a.       Wong enom marang wong tuwa.

b.      Batur marang bendarane.

c.       Murid marang gurune.

d.      Andhahan marang pimpinane.

e.       Kanca karo kanca sing durung kulina.

Tuladha    :

-          Simbah tindak dhateng peken dipundherekaken ibu.

-          Bapak ngasta tas ageng, sajakipun badhe tindak tebih.

-          Pak Bondhan mriksani lepen ingkang bena saking katebihan.

Luwih gampange para siswa bisa ndeleng rumus ing ngisor iki!

Unggah-Ungguh basa Jawa	Tembung ngoko	Tembung krama	Tembung krama inggil	Tembung serapan
Ngoko lugu	√	-	-	√
Ngoko alus	√	-	√	√
Krama lugu	-	√	-	√
Krama alus	-	√	√	√

Keterangan           :

V  : nganggo

-    : ora nganggo